Bir stəkan südün içərisinə mixək atsanız… – BİLMƏDİYİNİZ FAYDALARI

Mixək İndoneziya, Hindistan, Pakistan və hətta Şərqi Afrika, Asiya ölkələrinə məxsus ədviyyatlardan biridir. Dünyada müxtəlif məqsədlərlə istifadə edilən mixək, bizim ölkəmizdə əsasən ətirli vasitə kimi istifadə edilir. Amma mixəyin başqa faydalı özəllikləri də var.

“Qafqaz Xəbər” qəzeti Ailem.az-a istinadən mixəyin saymaqla bitməyən faydaları barədə məlumat verir.

Daha yaxşı həzm

Mixək həzm enzimlərinin istehsalını artıraraq həzmi yaxşılaşdırır. Mixək, həmçinin, köp, mədə narahtlığı və bulantını azaltmaq üçün də olduqca faydalıdır. Həzmi yaxşılaşdırıcı özəlliklərindən faydalana bilmək üçün qovrulur, toz halına gətirilir və ya bal ilə birlikdə istifadə edilir.

Antibakterial özəlliklər

Mixəyin insan patogenlərinə qarşı antibakterial özəllik daşıyıb-daşımadığı yoxlanılıb. Mixək zərərli patogenləri öldürəcək qədər təsirli olub. Mixək ekstraktları xolera yayan spesifik bakteriyalara qarşı da təsirlidir.

Xərçəngin qarşısını alır

Aparılan araşdırmalar zamanı mixəyin xərçəngin qarşısını alan təsiri olduğu ortaya çıxıb. Mixəklə bağlı aparılan testlər nəticəsində ağciyər xərçəngini erkən dövrlərdə müalicə etdiyi müəyyənləşib.

Qaraciyəri qoruyur

Mixək tərkibindəki sərbəst radikalların inkişafını əngəlləyən xüsusiyyətlə qaraciyəri zərərli təsirlərdən qoruyacaq yüksək miqdarda antioksidant tərkiblidir.

Şəkər xəstələrinə kömək edir

Diabet xəstələrində bədən tərəfindən istehsal olunan insulin miqdarı ya kifayət deyil, ya da heç istehsal olunmur. Aparılan araşdırmalar mixəkdən əldə edilən ekstraktların insulini müəyyən halda təqlid etdiyi və qan şəkəri səviyyəsini kontrol etməkdə yardımçı olduğunu ortaya qoyub.

Sümük qoruma

Mixəyin tərkibindəki bəzi elementlər osteoporoz halında sümük qalınlığını və sümüyün mineral tərkibini mühafizə edir.

İmmuniteti artırır

Mixək immunitet sistemini qorumaqda və inkişaf etdirməkdə olduqca təsirlidir. Mixək çayı ağ qan hüceyrə sayını artırır və immunitet sistemini gücləndirən əhəmiyyətli birləşmələri daşıyır.

Ağrını azaldır

Mixək anti-inflamatuar və ağrıkəsici xüsusiyyətə malikdir. Anti-inflamatuar özəlliyinin ağrı reseptorlarını xəbərdar edərək ağrını azaltma qabiliyyəti olduğu da təyin edilib.

Ağız xəstəliklərinin müalicəsi

Mixək tumurcuğu müxtəlif ağız xəstəliklərindən cavabdeh olan oral patogenlərin böyüməsini önəmli ölçüdə kontrol edir. Mixək ağrıkəsici özəlliklərindən dolayı diş ağrısı üçün də istifadə edilə bilər.

Afrodizyak xüsusiyyətləri

Mixək üzərində aparılan araşdırmalar zamanı onda afrodizyak xüsusiyyətlər olduğu ortaya çıxıb.

Baş ağrısına qarşı müalicə

Bir stəkan südün içərisinə bir-iki dənə mixək və bir az duz əlavə edib qarışdırın. Bu, baş ağrısını sürətli şəkildə aparmağa kömək edir.

  DİGƏR XƏBƏRLƏR