Çempionlar Liqasında həftənin ən yaxşısı müəyyənləşdi

Çempionlar Liqasında həftənin ən yaxşı futbolçusu müəyyənləşib.
“Qafqaz Xəbər” qəzetinin Apasport.az saytına istinadən xəbərinə görə, UEFA-nın rəsmi saytında aparılan sorğuda “Liverpul”un yarımmüdafiəçisi Məhəmməd Salah bu ada layiq görülüb.
Misirli oyunçu 57% səslə hamını qabaqlayıb. İkinci olan “Real”ın hücumçusu Kriştianu Ronaldo respondentlərin 35% səsini toplayıb. İlk “üçlüy”ü 5% səslə “Bavariya”lı Hames Rodriges qapayıb.
Qeyd edək ki, “Liverpul”un üzvü Məhəmməd Salah Çempionlar Liqasının 1/4 final mərhələsinin ilk oyunları çərçivəsində “Mançester Siti” ilə görüşdə 1 qol vurub, elə o sayda da məhsuldar ötürmə edib.

  DİGƏR XƏBƏRLƏR