Nəsimi sakinləri prezidentdən kömək istədilər – MÜRACİƏT+FOTOLAR

Bakı şəhəri, Nəsimi rayonu, Hüseyn Seyidzadə 5a ünvanda yaşayan sakinlər mətbuat vasitəsilə prezidentdə müraciət ünvanlayıblar.

Modern.az-a göndərilən müraciətdə deyilir:

– Hörmətli media nümayəndələri!

Hər şeydən əvvəl dövlət başçısı İlham Əliyevi növbəti 7 il müddətinə Prezident seçilməyi münasibətilə ürəkdən təbrik edirik, Ona Ali dövlətçilik fəaliyyətində yalnız uğurlar arzulayırıq.

Cənab Prezident İlham Əliyevin ölkəmizin bütün vətəndaşlarının problem və qayğılarına daim diqqətlə yanaşdığını bilirik. Binanın sakinlərində yaranmış ciddi narahatlığa görə ölkə rəhbərinə müraciət etmək məcburiyyətində qaldıq.

Belə ki, yaşadığımız Nəsimi rayonu, Hüseyn Seyidzadə 5a binasının lap yaxınlığında ağacları kütləvi şəkildə qırıb onun yerində hündürmərtəbəli yaşayış binası tikilir. Ərazidəki binaların əksəriyyəti hündürmərtəbəli olduğundan əhali kifayət qədər sıxdır və insanların istirahəti üçün geniş park, qaz, su, kanalizasiya, kommunikasiya sistemi, uşaqlar üçün istirahət yeri nəzərdə tutulmayıb. Yaxınlıqda yerləşən uşaq bağçası və məktəbdə yer çatışmazlığı olduğundan, uşaqlarımızı uzaq məsafəyə aparmaq məcburiyyətində qalırıq. Belə bir şəraitdə binanın lap yaxınlığında –  10 metrliyində yeni bir hündürmərtəbəli yaşayış binasının tikilməsi hamını ciddi narahat edir. Sakinlər dərdlərini kimə deyəcəklərini bilmir. Özü də insanları qorxudurlar ki, səsinizi çıxarsanız sizi həbs edəcəklər.

Ümidimiz yalnız Cənab Prezidentədir. Tikilməsi planlaşdırılan yeni bina həm də Eşitmə Qabiliyyəti Zəif olan Uşaqlar üçün Bağçanın ərazisinə birləşib. Uşaqların normal istirahət etmələrinə heç bir yer, şərait yoxdur. Yaxşı olardı ki, ərazidə ya yeni bir bağça, ya da park salınsın.  Hörmətli media nümayəndələri, xahiş edirik, bu məsələni ictimailəşdirin, sakinlərin narahatlığına son qoyulması üçün tikintinin dayandırılması və ərazinin abadlaşdırılmasına diqqət ayırasınız. Biz seçkilərdə Prezident İlham Əliyevə səs verən vətəndaşlar olaraq bir daha Onu təbrik edir, bağırımıza basırıq. İnanırıq ki, müraciətimizə diqqət ayrılacaq. Dərin hörmətlə,

HÜSEYN SEYİDZADƏ “5 A” BİNANIN SAKİNLƏRİ (İMZALAR ƏLAVƏ EDİLİR)

Əlaqə telefonlar: 050-281-18-89, 070-255-80-40, 050-200-45-44



  DİGƏR XƏBƏRLƏR