“WhatsApp”dan istifadəçiləri sevindirəcək yenilik

Ən çox istifadəçiyə sahib sosial şəbəkələrdən biri olan “WhatsApp” yeni funksiyasını təqdim edib.

“Qafqaz Xəbər” qəzeti Yenicag.az-a istinadən xəbər verir ki, “WhatsApp”ın yeni yayımladığı beta variantda səsli mesajlar üçün daha bir funksiya işə salınıb. Belə ki, yeni versiyada istifadəçilər səsli mesaj göndərmək üçün barmaqlarını uzun müddət ekranda sıxılı saxlamaq məcburiyyətində qalmayacaqlar. Mesaj göndərdikdə ekrana gələcək “səsli mesaja davam et” seçimini etməklə bu problemdən xilas olacaqlar. Eyni zamanda qeydə alınmış səsli mesajı qarşı tərəfə göndərmədən silmək də mümkün olacaq.

Beta variantda yayımlanan bu funksiyanın Android və İOS sistemlərinə nə zaman daxil ediləcəyi hələlik məlum deyil.

  DİGƏR XƏBƏRLƏR