“Barselona”dan 100 milyonluq transfer

İspaniyanın “Barselona” klubu heyətini Antuan Qrizmannla gücləndirmək niyyətindədir.

“Qafqaz Xəbər” qəzeti Yenicag.az-a istinadən xəbər verir ki, bu iddia ilə yerli mətbuat çıxış edib.

İddialara görə, Kataloniya təmsilçisi Fransa millisinin üzvü üçün 100 milyon avro ödəməyə hazırdır.

Transferin reallaşması üçün “Barselona”nın prezidenti Xosep Mariya Bartomeu “Atletiko”nun başqanı Enrike Serosla danışıqlara da başlayıb.

Qeyd edək ki, Qrizmann Madrid təmsilçisinə 2014-cü ildə transfer olunub. Onun “Atletiko” ilə olan müqaviləsinin müddəti 2022-ci ilin iyununda başa çatacaq.

  DİGƏR XƏBƏRLƏR