Qadının nəzakəti ona bir milyona başa gəldi

Böyük Britaniyanın Ossett şəhərinin sakini Arron Uolşou “Lotto Millionaire Raffle” lotoreyasında uduşlu bileti onu növbədə özündən önə buraxan qadın sayəsində əldə edib.

Oxu.Az “Daily Mirror”a istinadla xəbər verir ki, britaniyalı kassaya bağlanmasına iki dəqiqə qalmış başqa bir qadınla yaxınlaşıb.

Uolşounun tələsdiyini görən qadın, onu özündən önə buraxıb. Bir gün sonra isə britaniyalı bir milyon funt sterlinq udduğunu öyrənib.

Uolşou uduşu sevgilisi ilə toy mərasiminə xərcləmək niyyətindədir.

Bununla belə o etriraf edib ki, bu fantastik uduşu ancaq növbədəki qadının nəzakəti müqabilində əldə edə bilib. İndi Uolşou qadını taparaq ona minnətdarlığını ifadə etmək niyyətindədir.

  DİGƏR XƏBƏRLƏR