UEFA “AVRO-2024″ün keçiriləcəyi ölkəni açıqladı (FOTO)

Futbol üzrə 2024-cü il Avropa çempionatının keçiriləcəyi ölkəni açıqlayıb.
Qaynarinfo xəbər verir ki, bununla bağlı qərar UEFA-nın İcraiyyə Komitəsinin İsveçrənin Nyon şəhərində keçirilən iclasından sonra elan olunub. Qalibin adını açıqlayan qurumun prezidenti Aleksandr Çeferin bildirib ki, yarış Almaniyada təşkil olunacaq.
Qeyd edək ki, Almaniya Avropa çempionatının oyunlarını Berlin (“Olimpiaştadion”, 70,033 nəfərlik), Köln (“Köln” stadionu, 46,922), Dortmund (“BVB Stadion”, 61,524), Düsseldorf (“Düsseldorf Arena”, 46,264), Frankfurt (“Frankfurt Stadion”, 48,057), Gelzenkirhen (“Arena AufSchalke”, 49,471), Hamburq (“Hamburq Arena”, 50,215), Leyptsiq (“RB Arena”, 46,635), Münhen (“Münhen Futbol Arenası”, 66,026) və Ştutqart (“Ştutqart Arena”, 50,998) şəhərlərində təşkil edəcək.
Onu da qeyd edək ki, “AVRO-2024″ə ev sahibliyi uğrunda Almaniya ilə yanaşı, Türkiyə də mübarizə aparırdı.

  DİGƏR XƏBƏRLƏR