Azərbaycanda elektron formada qısa idxal bəyannaməsi verməyənlərə cərimələr tətbiq olunacaq

Azərbaycanda elektron formada qısa idxal bəyannaməsi verməyənlərə cərimələr tətbiq olunacaq.

“Qafqaz Xəbər” qəzeti Trend-ə istinadən məlumatına görə, bu barədə məsələ Milli Məclisin bu gün keçirilən plenar iclasında müzakirəyə çıxarılan İnzibati Xətalar Məcəlləsinə təklif olunan dəyişiklikdə öz əksini tapıb.

Dəyişiklik Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməsini nəzərdə tutur.

Təklif olunan dəyişikliyə əsasən, Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə vəzifəli şəxslər 1 000 manat, hüquqi şəxslər 500 manat məbləğində cərimə olunacaqlar.

Dəyişikliklər səsə qoyularaq qəbul edilib.

  DİGƏR XƏBƏRLƏR