ÜST Azərbaycanda tibbi xidmətlərin əlçatanlığı ilə bağlı maneələri qiymətləndirir

Ümumdünya Səhiyyə Təşkilatının (ÜST) ekspertləri Azərbaycanda uşaq və yeniyetmələr üçün tibbi xidmətlərin əlçatanlığı ilə bağlı ortaya çıxan maneələri qiymətləndirir.

Bu barədə Trend-ə ÜST-nin Azərbaycan üzrə ofisindən məlumat verilib.

Ofisdən bildirilib ki, bu məqsədlə təşkilatın Avropa Ofisininin reproduktiv sağlamlıq üzrə mütəxəssislərdən ibarət nümayəndə heyəti Azərbaycana səfərə gəlib.

Səfərin məqsədi Ümumdünya Səhiyyə Xidmətlərinin Təminatı çərçivəsində cinsi, reproduktiv, ana, yenidoğulan, uşaq və yeniyetmə sağlamlığı (SRMNCAH) xidmətlərini qiymətləndirmək, bu xidmətlərin əlçatanlığını dəyərləndirmək və potensial maneələri aşkarlamaqdır.

Səfər çərçivəsində heyət artıq UNICEF, BMT-nin Əhali Fondu, ÜST-nin Azərbaycandakı nümayəndəliyi, Respublika Perinatal Mərkəzi, Səhiyyə Nazirliyi, Tibb Universitetində görüşlər keçirib və 5 saylı uşaq poliklinikasındakı şəraitlə yaxından tanış olublar.

  DİGƏR XƏBƏRLƏR