55 il ev növbəsində duran qadın məhkəməni uddu

Rusiya Federasiyası Buryatiya Respublikasının Ulan-Ude şəhərinin hakimiyyət orqanları 1964-cü ildən ev növbəsinə dayanan yerli sakinə mənzil verməkdən imtina edib.
“RİA Novosti” xəbər verir ki, Buryatiya Prokurorluğu adı açıqlanmayan qadının hüquqlarını müdafiə edib və məhkəmədə ədalət zəfər çalıb.
Yerli sakin 1964-cü ilin dekabrından yaşayış şəraitini yaxşılaşdırmaq üçün növbəyə dayanıb və hazırda sıra nömrəsi ikidir. Lakin Ulan-Ude administrasiyası qadının aztəminatlı olmamasına görə ona ev verilməsindən imtina edib.
Prokurorluq məhkəməyə müraciət edərək qadına üç ay ərzində ev verməyi tələb edib və sakinin şəhər administrasiyası əleyhinə iddiasını müdafiə edib.(oxu.az)

  DİGƏR XƏBƏRLƏR