Evdə itin olmağı ölüm riskini azaldır – ARAŞDIRMA

Alimlər it sahiblərinin hər hansı bir səbəbdən ölmək riskinin 24% aşağı olduğunu müəyyən ediblər.

“Qafqaz Xəbər” qəzeti oxu.az-a istinadla xəbər verir ki, bu barədə “Circulation” jurnalında dərc olunan araşdırmada deyilir.

Qeyd edilir ki, araşdırma çərçivəsində ABŞ, Kanada, Britaniya, Skandinaviya, Yeni Zelandiya və Avstraliyanın 4 milyon sakini üzərində müşahidə aparılıb.

Onun nəticələrinə görə, evində it olması insanın ölüm riskini 24% azaldır və artıq infarkt və ya insult keçirmiş insanlar üçün isə bu göstərici 31%-dir.

Nəticələri 336 mindən artıq isveçli kişi və qadının ürək-damar xəstəlikləri keçirmiş it sahiblərinin iti olmayan şəxslərdən daha yaxşı bərpa olunduqlarını göstərən müstəqil araşdırması da təsdiq edir.

Tədqiqatlar yalnız müşahidəyə əsaslanıb və təkcə itin sayəsində ölüm riskinin azaldığını sübut edə bilmir, lakin bu müşahidələr qanunauyğun əlaqəni müəyyən etməyə kömək edib.

  DİGƏR XƏBƏRLƏR