İnşaat materialları bazarında yanğın olub – Video

Bakıda səhər saatlarında ticarət obyektlərindən birində yanğın başlayıb.

Hadisə Binəqədi rayonu, Xırdalan dairəsinə yaxın ərazidə yerləşən “Eurohome” Ticarət Mərkəzində qeydə alınıb.

Qeyd edək ki, sözügedən ticarət mərkəzində əsasən inşaat materialları satılır.

Yanğınla bağlı Fövqəladə Hallar Nazirliyinin mətbuat xidməti məlumat yayıb.

Məlumatda bildirilir ki, Fövqəladə Hallar Nazirliyinin “112” qaynar telefon xəttinə, Bakı şəhərinin Binəqədi rayonunda “EuroHome” tikinti materialları bazarı ərazisində yanğın olması barədə məlumat daxil olub.

Dərhal Nazirliyin Dövlət Yanğından Mühafizə Xidmətinin yanğınsöndürmə qüvvələri və Xüsusi Riskli Xilasetmə Xidmətinin müvafiq qüvvələri hadisə yerinə cəlb olunub.

Hazırda yanğınsöndürmə işləri davam etdirilir.

Əlavə məlumat veriləcək.

  DİGƏR XƏBƏRLƏR