Süleymani Türkiyəyə qarşı hücumlar hazırlayırmış

Qasım Süleymaninin öldürülməsi ilə bağlı gərginlik davam etməkdədir

ABŞ Senatına Qasım Süleymaninin öldürülməsindən sonra təqdim edilən bir sənəddə iranlı generalın İraq və Əfqanıstandakı ABŞ vətəndaşlarına istiqamətlənən hücumları ilə yanaşı, Türkiyəyə qarşı hücumlar planlaşdırdığı da iddia edilib. Turkustan.info xarici mətbuata istinadən xəbər verir ki, bu barədə Süleymaninin öldürülməsindən bir gün əvvəl ABŞ Senatına təqdim olunan sənəddə qeyd olunub.

Sənəddə diqqət çəkən əssas məqam Süleymaninin Yaxın Şərqdən kənarda da hücumlar planlaşdırması ilə bağlı iddialar olub. Belə ki, iddialara görə, iranlı generalın Türkiyə, Almaniya, Bosniya, Bolqarıstan, Keniya və Bəhreyn kimi ölkələrə qarşı da hücumlar planlaşdırdığı üzə çıxıb.

Süleymaninin planlaşdırdığı hücumların yer aldığı sənəddə başqa bir məlumata yer verilməsə də, ABŞ tərəfi İnqilab Keşiçiləri Korpusunun “Qüds” qanadı ilə mübarizəsini davam etdirəcəyini açıqlayıb.     /ayna.az/

  DİGƏR XƏBƏRLƏR